Kitchen Tips Telugu: మన పెద్దలు మనకు ఎన్నో రకాల వంటింటి చిట్కాలు చెబుతుంటారు. చిన్న దగ్గు, జలుబుు లాంటివి చేస్తే ఆసుపత్రికి వెళ్లకుండా నేరుగా ఇంట్లోనే నయం చేసుకునేట్టుగా ఈ చిట్కాలు మనకు ఉపయోగపడతాయి. ఈ కాలంలో చిన్న ఆరోగ్య సమస్య వచ్చినా వెంటనే ఆసుపత్రికి పరుగులు తీసి వేలు ఖర్చు చేస్తున్నారు. అలా కాకుండా చిన్న చిట్కాల ద్వారా మీ సమస్యను పరిష్కరించుకోండి. అలాంటి కొన్ని వంటింటి చిట్కాలను మీకోసం కింద అందించాము.
కిచెన్ టిప్స్
- పచ్చిమిరపకాయలకు పసుపు చేసి సీసాలో వేస్తే అవి ఎరుపులోకి మారకుండా ఉంటాయి
- ఉప్పుడ జాడీల్లో రెండు పచ్చిమిరపకాయలు వేస్తే.. ఉప్పు పచ్చిగా మారకుండా ఉంటుంది
- పెరుగు పుల్లగా మారకుండా ఉండాలంటే.. దాంట్లో ఓ కొబ్బరి ముక్క వేయండి
- వెల్లుల్లి రేకులు సులువుగా రావాలంటే వాటిని ఎండలో ఉంచండి
- దోసెలపిండిలో ఓ కప్పు సగ్గుబియ్యం వేసి కలిపి రుబ్బితే దోశ చిరగకుండా వస్తుంది
- కేక్ వేసేటప్పుడు అందులో ఓ చెంచా గ్లిసరిన్ వేస్తే కేక్ ఎక్కువ కాలం తాజాగా ఉంటుంది
- జామ్ సీసా మూత తీయడానికి గట్టికా ఉంటే దాన్ని మంట మీద పెట్టండి
- కోడుగుడ్డు సొనలో కుంకుమ పువ్వు వేసి ఆమ్లెట్ వేస్తే.. అది రుచిగా మాత్రమే కాకుండా అందంగా ఉంటుంది
వంటింటి చిట్కాలు
- ఆమ్లెట్ వేసే ముందు పెనంమీద ఉప్పు చల్లితే అంటుకోకుండా ఉంటుంది
- గుడ్డు పగలకుండా ఉండాలంటే నిమ్మరసం పూసి ఆరబెట్టండి
- అన్నం వార్చినప్పుడు వచ్చిన గంజిలో చాలా విటమిన్స్ ఉంటాయి. చలికాలం అయితే దాంట్లో కాస్త తేనె, నారింజ రసం, వేసవికాలంలో అయితే కొద్దిగా నిమ్మరసం, ఉప్పు కలుపుకుంటే రుచిగా మాత్రమే కాకుండా ఆరోగ్యానికి చాలా మంచిది.
- అన్నం తొందరగా జీర్ణం కావాలంటే వేయించిన బియ్యాన్ని అన్నంగా వండాలి
- టమాట కూర ఉడికేటప్పుడు అందులో చిటికెడు పంచదార వేస్తే ఆ కూర కమ్మగా ఉంటుంది
- పురీలు పొంగి బాగా రావాలంటే.. గోదుమ పిండిలో కొద్దిగా బొంబాయి రవ్వ లేదా బియ్యపు పిండి కలపాలి
- చపాతీలు తెల్లగా మెత్తగా ఉండాలంటే పిండిలో రెండు చెంచాల పాలు, ఒక చెంచా బియ్యం పిండి, కొంచెం నూనె వేసి ఐస్వాటర్ తో పిండిని కలపాలి.
కూరగాయలను ఎలా చూసి కొనాలి?
- వంకాయలు ముదతలు పడకుండా ఉండాలి. గట్టిగా, మెత్తగా ఉండకూడదు. తొడిమ ఆకుపచ్చ రంగులో, తోలు నిగనిగ లాడుతూ ఉండాలి. పుచ్చులు లేకుండా చూడాలి
- బంగాలాదుంపలు గట్టిగా వుండాలి. పైన ఆకుపచ్చ రంగులు, నల్లని మచ్చలుంటే కొనవద్దు. పై పొర తీసినప్పుడు లోపలి భాగం లేత పసుసు పచ్చ రంగులో ఉండాలి.
- అల్లం మరీ గట్టిగా మరీ మెత్తగా ఉండకూడదు. అల్లం పొర తీస్తే దాని ఘాటు తెలుస్తుంది, దాన్ని బట్టి అల్లాన్ని కొనాలి
- మంచి ఆకారంలో ఉన్న క్యారెట్ ను మాత్రమే కొనాలి. వంకరగా, ముడతలు ఎత్తుపల్లాలుగా ఉన్న క్యారెట్ ను కొనవద్దు.
- బీట్ రూట్ కొనేప్పుడు కింది భాగానికి వేర్లు ఉండే విధంగా చూస్కోండి. ఎటువంటి మచ్చలు, రంద్రాలు ఉన్నా వాటిని కొనవద్దు.
ఫ్రిడ్స్ వాడకంలో తీసుకోవాల్సిన జాగ్రత్తలు
- ఆహార పదార్దాలు ఇరికించి పెట్టవద్దు
- సువాసన వస్తువుల వాసన బయటకు రాకుండా జాగ్రత్తగా కవర్ చేసి పెట్టాలి.
- కూరగాయలు కడిగిని తరువాత అవి ఆరిపోయిన తర్వాతనే వాటిని ఫ్రిడ్జ్ లో పెట్టాలి.
- పాలు, పెరుగు, రుబ్బిన పిండి లాంటివి ఏవైనా ఉంటే వాటిపై మూత వుండే విధంగా జాగ్రత్తలు తీసుకోవాలి
- వేడివేడి ఉండే పదార్ధాలను అలాగే పెట్టకుండా చల్లార్చి పెట్టాలి.
- అరటిపళ్లను ఫ్రిడ్జ్ లో పెట్టకూడదు
- ఫ్రిడ్జ్ లో ఐస్ పెరగకుండా ఉండాలంటే ఒక మూలన కొద్దిగా ఉప్పు వేయండి
ఇవి కూడా చూడండి
- Pumpkin Seeds Benefits: గుమ్మడికాయ గింజలు ఆరోగ్య ప్రయోజనాలు
- Vitamin D Foods: విటమిన్ డి లభించే ఆహార పదార్ధాలు
- Weight Gain Tips: బరువు పెరగడానికి మంచి చిట్కాలు
- Aloe Vera Benefits: కలబంద ఆరోగ్య ప్రయోజనాలు
