Ashoka Vanamlo Arjuna Kalyanam Movie Review: విశ్వక్ సేన్ ఆంటే మాస్ సినిమాలకు పెట్టింది పేరు, చేసింది తక్కువ సినిమాలే అయినా అతనికి మాస్ కా దాస్ అని పేరొచ్చింది అయితె ఈసారి అతను మునుపెన్నడూ చేయని విభిన్నమైన ప్రయత్నం చేశాడు, మాస్ కా దాస్ అశోక వనంలో అర్జున కళ్యాణం అనే చిత్రంతో క్లాస్ కా దాస్గా మారాడు. విశ్వక్ సేన్ ఈ క్లాసీ క్యారెక్టర్ ఏ విధంగా పోషించాడా అని చాలా మంది అభిమానులు మరియు సినీ విశ్లేషకులు ఎదురుచూస్తున్నారు. ఏది ఏమైనప్పటికీ, అశోక వనంలో అర్జున కళ్యాణం చిత్రం భారీ అంచనాలతో ఈరోజు మే 06, 2022 న విడుదలైంది, కాబట్టి ఆలస్యం చేయకుండా సినిమా ఏ మేరకు అంచనాలను అందుకుంది ఈ రివ్యూ లో చూద్దాం.
కథ
అశోక వనంలో అర్జున కళ్యాణం సూర్యాపేటలో వడ్డీ వ్యాపారి అయిన అల్లం అర్జున్ కథను వివరిస్తుంది, అతను 34 ఏళ్లు వచ్చిన కూడా ఇంకా పెళ్లి చేసుకోని కారణంగా కుటుంబం మరియు సమాజం నుండి హింసించబడతాడు, అయినప్పటికీ, అతని కుటుంబం తమ కులానికి చెందిన వధువు కోసం వెతకడం ఎప్పుడూ ఆపదు, దురదృష్టవశాత్తు, వారి కులం లో అమ్మాయిలు అయిపోయారని, వేరే కులం వాళ్ళైనా సరే అని గోదావరికి చెందిన వధువు దొరికింది, అయితే, పసుపులేటి మాధవి (రుక్సార్ ధిల్లాన్) అల్లం అర్జున్ని తిరస్కరిస్తుంది, చివరకు, ఆమె అతన్ని ఎందుకు తిరస్కరించింది? అతను చివరికి పెళ్లి చేసుకుంటాడా? ఇవన్నీ తెలియాలంటే సినిమా చూడాల్సిందే.
అశోక వనంలో అర్జున కళ్యాణం మూవీ నటీనటులు
విశ్వక్ సేన్, రుక్సార్ ధిల్లాన్ రితికా నాయక్, గోపరాజు రమణ, రాజ్ కుమార్ మరియు ఇతరులు నటించిన అశోక వనంలో అర్జున కళ్యాణం. ఈ చిత్రానికి రచన రవికిరణ్ కోలా, దర్శకత్వం విద్యా సాగర్ చింత, సంగీతం జై క్రిష్, ఛాయాగ్రహణం పవి. కె. పవన్, ఈ చిత్రాన్ని ఎస్.వి.సి.సి డిజిటల్ మరియు సినిమా నిర్మాణంపై బాపినీడు బి & సుధీర్ ఈదర నిర్మించారు. BVSN ప్రసాద్ సమర్పించారు.
సినిమా పేరు | అశోక వనంలో అర్జున కళ్యాణం |
దర్శకుడు | విద్యా సాగర్ చింత |
నటీనటులు | విశ్వక్ సేన్, రుక్సార్ ధిల్లాన్ రితికా నాయక్, గోపరాజు రమణ, రాజ్ కుమార్ మరియు ఇతరులు |
నిర్మాతలు | బాపినీడు బి & సుధీర్ ఈదర |
సంగీతం | జై క్రిష్ |
సినిమాటోగ్రఫీ | పవి. కె. పవన్ |
ఓటీటీ రిలీజ్ డేట్ | ఇంకా ధ్రువీకరించలేదు |
ఓటీటీ ప్లాట్ ఫార్మ్ | ఇంకా ధ్రువీకరించలేదు |
అశోక వనంలో అర్జున కళ్యాణం సినిమా ఎలా ఉందంటే?
విశ్వక్ సేన్కి టైప్కాస్ట్ అవ్వడం ఇష్టం ఉండదు, అందుకే అతను ఎప్పుడూ ఆసక్తికరమైన చిత్రంతో రావాలని కోరుకుంటాడు. అశోక వనంలో అర్జున కళ్యాణం సినిమాకి ఉన్న అతి పెద్ద ప్లస్ పాయింట్ ఈతరం ప్రధాన సమస్య 30 సంవత్సరాలు వచ్చిన పెళ్లి కాకపోవడం మరియు ఇది 30వ దశకంలో వివాహ కళంకాన్ని పునర్నిర్వచించిందని నేను ఖచ్చితంగా అనుకుంటున్నాను.
సినిమా బాగానే మొదలవుతుంది, దర్శకుడు కథలోకి వెళ్ళడానికి ఎక్కువ సమయాన్ని వృథా చేయలేదు , అయితే సినిమా దాదాపు 15 నుండి 20 నిమిషాల వరకు బాగానే అనిపించినా ఆ తర్వాత సినిమా స్క్రీన్ప్లే కాస్త స్లో అవుతుంది, ప్రీ ఇంటర్వెల్ నుండి సినిమా ఆసక్తిని కలిగిస్తుంది, మొదటి కొన్ని కామెడీ సన్నివేశాలు బాగానె పండాయి అని చెప్పొచ్చు. కానీ చాలా పాత్రలు అసహజంగా అనిపిస్తాయి. సెకండాఫ్ సినిమాకి వెన్నెముక అననడంలో ఎలాంటి సందేహంలేదు.
అల్లం అర్జున్గా విశ్వక్ సేన్ నటన విషయానికి వస్తే, ముందుగా ఈ స్క్రిప్ట్ని ఎంచుకున్నందుకు మరియు మధ్య వయస్కుడైన పాత్రను పోషించినందుకు మనం అభినందించాలి. అల్లం అర్జున్గా అతను తన పాత్రకి న్యాయం చేసాడు మరియు చాల సన్నివేశాల్లో తన నటనను చూపించాడు ముఖ్యంగా కొన్ని కామెడీ సన్నివేశాలలో చాల బాగా చేశాడు, అయితే అతని లుక్ కొంచెం కృత్రిమంగా అనిపిస్తుంది, పసుపులేటి మాధవి పాత్రలో రుక్సార్ ధిల్లాన్ అల్లం అర్జున్ పాత్రకి సమానంగా ఉంటుంది. మరియు మిగిలిన నటీనటులు తమ వంతు పాత్రలకి న్యాయం చేసారు.
సాంకేతిక అంశాల విషయానికి వస్తే, ఈ చిత్రానికి రచయిత రవికిరణ్ కోలా, రాజా వారు రాణి వారు అనే చిత్రానికి దర్శకత్వం వహించారు, దశాబ్దాలుగా మనం ఈ రకమైన క్లీన్ ఫ్యామిలీ ఎంటర్టైన్మెంట్ చిత్రాలను మిస్ అవుతున్నసమయం లో ఈ లాంటి కథతో రావడం చాల మంచి విషయం, మరియు భవిష్యత్తులో అతను మంచి రచయిత అవుతాడని నేను ఖచ్చితంగా అనుకుంటున్నాను. ఇక్కడ మనం దర్శకుడు విద్యా సాగర్ చింత గురించి మాట్లాడుకోవాలి, అతను కొన్ని భాగాలలో విఫలమైనప్పటికీ, మొత్తంగా అతను ప్రేక్షకులను కట్టిపడేసాడని చెప్పొచ్చు
పావి కె పవన్ సినిమాటోగ్రఫీ బావుంది, సినిమాకి కావల్సిన వాటిని క్యాప్చర్ చేసాడు మరియు జై క్రిష్ సంగీతం సినిమాలో ముఖ్యమైన పాత్ర పోషిస్తుంది, అతను కొన్ని డిఫరెంట్ సౌండింగ్ని ఉపయోగించాడు మరియు చాలా సన్నివేశాలలో తన ప్రత్యేకమైన సౌండింగ్తో ప్రేక్షకులను నవ్విస్తాడు.
చివరగా, అశోక వనంలో అర్జున కళ్యాణం సినిమా ఖచ్చితంగా చూడవలసిన మరియు ఈ చిత్రం 30 సంవత్సరాలు దాటినా పెళ్లి కావట్లేదు అని బాధపడేవారు అయితే తప్పకుండా చూడవలసిన చిత్రం.
సినిమా రేటింగ్: 3/5
ఇవి కూడా చుడండి:
- Keerthy Suresh’s Chinni Movie Review: కీర్తి సురేష్ చిన్నిమూవీ రివ్యూ
- Jayamma Panchayathi Movie Review: జయమ్మ పంచాయితి మూవీ రివ్యూ
- Bhala Thandhanana Movie Review: భళా తందనానా మూవీ రివ్యూ