కొన్ని సినిమాల గురించిన సమాచారం OTT ప్లాట్‌ఫామ్‌లో విడుదలైన తర్వాత మాత్రమే తెలుస్తుంది. తాజాగా తెలుగులో సీ.డీ. (క్రిమినల్ లేదా డెవిల్) ఎవరూ గమనించకుండా థియేటర్లలో విడుదలైంది. ఈ టైటిల్‌తో తెలుగు ప్రేక్షకులకు ఈ చిత్రం గురించి తెలియకపోవచ్చు, కానీ థియేటర్లలో కూడా విడుదలైంది.
ఈ సినిమా ఇప్పుడు దీపావళి సందర్భంగా OTT లో రిలీజ్ అవుతోంది. ఈ చిత్ర నిర్మాతలు అక్టోబర్ 26, 2024న ఆహా వీడియో ప్లాట్‌ఫామ్‌ లో స్ట్రీమింగ్ కి వస్తున్నట్లు అధికారికంగా ధృవీకరించారు.
ఈ థ్రిల్లర్ మూవీలో నటి అదా శర్మ మరియు విశ్వంత్ దుడ్డంపుడి ప్రధాన పాత్రలు పోషించారు. ఈ చిత్రంలో రోహిణి (జబర్దస్త్), భరణి శంకర్, రమణ భార్గవ్ మరియు మహేష్ విట్టా ఇతరులు ప్రముఖ పాత్రలు పోషించారు.
ఎస్‌ఎస్‌సిఎం ప్రొడక్షన్స్ బ్యానర్‌పై రూపొందిన ఈ చిత్రానికి కృష్ణ అన్నం దర్శకుడు. ఆర్ఆర్ ధృవన్ సంగీతం అందించగా, సతీష్ ముత్యాల ఛాయాగ్రహణం అందించారు.
