NREGA Job Application: 2005లో యూపీయే ప్రభుత్వం ఈ ఉపాధి హామీ పధకాన్ని ప్రవేశపెట్టింది. ఈ పధకం ద్వారా అర్హులైన ప్రతీ ఒక్కరికి తమ గ్రామ పంచాయితీలో పని కల్పించడం జరుగుతుంది. ఈ పథకం ప్రకారం అర్హులైన ప్రతీ వ్యక్తికీ ప్రతీ సంవత్సరం 100 రోజుల పనిని ఖచ్చితంగా ప్రభుత్వం కల్పించాలి. 18 ఏళ్లు నిండిన ప్రతీ ఒక్కరూ ఈ ఉపాధి హామీ పధకానికి అప్లై చేసుకోవచ్చు. దీనిని తెలంగాణలో కరువు పని పధకం అని కూడా అంటారు. దీనికి ఆన్లైన్ లో ఎలా అప్లై చేసుకోవాలనే విషయాలను తెలుసుకుందాం.
ఉపాధి హామీ పధకానికి ఇలా దరఖాస్తు చేసుకోవాలి
- మీ గ్రామ పంచాయితీకి వెళ్లి ఉపాధి హామీ దరఖాస్తు ఫారంను తీసుకొని దానిలో వివరాలను నింపాల్సి ఉంటుంది. ఆన్లైన్లో కూడా ఈ దరఖాస్తు ఫారం అవైలబుల్ గా ఉంటుంది
- అప్లికేషన్ లో మీరు ఏ సమయంలో పని చేయగలరో లాంటి వివరాలను పొందుపరచాల్సి ఉంటుంది. మీకు రోజుకు ఒక పూట మాత్రమే పనిచేయాల్సి ఉంటుంది. అంటే కేవలం 4 గంటల పని మాత్రమే కల్పించడం జరుగుతుంది.
- మీరు అప్లై చేసిన తరువాత వెరిఫికేషన్ చేసి జాబ్ కార్డు అందిస్తారు. ఈ జాబ్ కార్డు కోసం మీరు ఏమీ చెల్లించాల్సిన అవసరం లేదు. జాబ్ కార్డు పోయినా సరే మీరు మళ్లీ అప్లై చేసుకోవచ్చు.
- పధకం ప్రకారం, మీరు దరఖాస్తు చేసిన 15 రోజుల్లో మీకు పని కల్పించాల్సి ఉంటుంది. ఒక వేళ మీకు పని కల్పించకుంటే 15 రోజుల తరువాత తేదీ నుంచి మీకు నిదుద్యోగ భృతిని ప్రభుత్వం కల్పిస్తుంది.
- మీ గ్రామ పంచాయితీ నుంచి 5 కిలోమీటర్ల లోపే పని కల్పించాల్సి ఉంటుంది. అది దాటితే 10 శాతం ఎక్కువ జీతం మీకు చెల్లించాల్సి ఉంటుంది.
- ఈ పధకం కింద పురుషులకు, మహిళలకు సమానంగా చెల్లించాల్సి ఉంటుంది
- మీరు పనిచేసే చోట చిన్న పిల్లలు ఉండడానికి, నీళ్లు తాగడానికి, బాత్రూం సౌకర్యాలు కూడా ప్రభుత్వం ఏర్పాటు చేయాల్సి ఉంటుంది.
- పధకం కింద పనిచేసే ప్రతీ ఒక్కరికీ మెడికల్ ఇన్షురెన్స్ ఉంటుంది. ఏదైనా ఆక్సిడెంట్ అయితే ఖర్చులను ప్రభుత్వమే భరిస్తుంది.
- జీతం ప్రతీ వారం చెల్లించాల్సి ఉంటుంది లేదా 15 రోజులకి ఓ సారి ప్రభుత్వం ఖచ్చితంగా చెల్లించాలి.
- ప్రతీ రోజుకి కనీస వేతనాన్ని రూ.202గా ప్రభుత్వం నిర్ణయింది.
- కరోనా కారణంగా ఈ ఉపాధి హామీకి డిమాండ్ ఒక్కసారిగా పెరిగింది. లాక్ డౌన్ సమయంలో అనేక మంది భౌతిక దూరం పాటిస్తూ.. ఈ ఉపాధి హామీ పధకం కింద పనిచేసారు.
- వలస కూలీలకు కూడా ఈ ఉపాధి హామీ జాబ్ కార్డును అందించాలని ఏపీ ప్రభుత్వం నిర్ణయించింది.
ఉపాధి హామీ పధకం అప్లికేషన్ కావాలంటే ఈ కింది లింక్ పై క్లిక్ చేసి డౌన్ లోడ్ చేసుకోండి. ఈ అప్లికేషన్ ను మీ గ్రామపంచాయితీల్లో దరఖాస్తు చేసుకోండి
https://drive.google.com/file/d/1AHIyCnNg6QT8TN6gGwNCYSO0Uvfu48XX/view
ఇవి కూడా చూడండి
- YSR Bheema Status Check: వైఎస్సార్ భీమా స్టేటస్ ను ఇలా చెక్ చేసుకోండి
- How To Activate Airtel Hello Tunes: ఫ్రీగా ఎయిర్ టెల్ హలో ట్యూన్స్ ను ఇలా యాక్టివేట్ చేసుకోండి
- Ap Spandana Toll-Free Number: ఏపీ ప్రభుత్వం ప్రవేశపెట్టిన స్పందన టోల్ ఫ్రీ నంబర్
- Balli Sastram Purushulaku: బల్లి శాస్త్రం పురుషులకు Pdf
